Women`s Rights Center

 

          

Թեժ Գիծ

 

               (010) 54 28 28

           0800 80 850

 

Նվիրատվություն
 
Դասընթաց մարզային անձնակազմի համար (18.04.2016)
2016թ. ապրիլի 15-ին “Փարիզ” հյուրանոցում տեղի ունեցավ դասընթաց Կանանց իրավունքների կենտրոնի մարզային անձնակազմի համար: Դասընթացավարներն էին ԿԻԿ հոգեբան Լ. Հայրապետյանը և փաստաբան Է. Դանիելյանը: Դասընթացը բաղկացած էր երկու հատվածներից` գործնական և տեսական: 
 
Ընտանեկան բռնության դասընթաց Հայ-Ռուսական (Սլավոնական) համալսարանի իրավագիտության ֆակուլտետում (11.04.2016)
2016թ. ապրիլի 8-ին իրականացվեց Կանանց իրավունքների կենտրոնի հերթական դասընթացը: Դասընթացի մասնակիցներն էին Հայ-Ռուսական (Սլավոնական) համալսարանի իրավագիտության ֆակուլտետի ուսանողները: Դասընթացը սկսվեց մասնակիցների հետ ծանոթացումից: Նրանք ներկայացրեցին իրենց ակնկալիքները և հուզող հարցերը, որին հաջորդեց ընտանեկան բռնության հիմնախնդրի, բնորոշ գծերի, ակունքների, նպաստող գործոնների, հետևանքների ներկայացումը: Հիմնախնդրին ավելի պրակտիկ ծանոթացնելու նպատակով ցուցադրվեցին Կանանց իրավունքների կենտրոնի նկարահանած կարճամետրաժ ֆիլմերը ընտանեկան բռնության վերաբերյալ: 
 
Մասնակցություն "Իրավունքը քոնն է" հեռուստահաղորդմանը (10.04.2016)
2016թ. ապրիլի 7-ին Հ3 հեռուստաընկերության եթերով հեռարձակվեց «Իրավունքը քոնն է» հաղորդաշարի հերթական թողարկումը, որը վերաբերում էր Հայաստանում կանանց իրավունքների պաշտպանությանը:Հաղորդման հյուրերը, այդ թվում նաև Կանանց իրավունքների կենտրոնի հոգեբան Լ. Հայրապետյանը, խոսեցին կանանց իրավունքների պաշտպանության իրավական մեխանիզմների, կնոջ և տղամարդու ավանդական դերերի, ընտանեկան բռնության և դրա հետևանքների, հիմնախնդրի վերաբերյալ զանգվածային լրատվամիջոցների արձագանքի շուրջ:
 
Այցելություն Խնկո-Ապոր անվան Ազգային մանկական գրադարան (08.04.2016)
2016թ. ապրիլի 7-ին երեխաները իրենց մայրերի հետ այցելեցին Խնկո-Ապոր անվան Ազգային մանկական գրադարան: Էքսկուրսիան սկսվեց մայրիկներին նվիրված հեքիաթից, որը երեխաներին կարդաց հեքիաթասացը: Հետո երեխաները ծանոթացան գրադարանում տեղ գտած գրականությանը` մանկական հեքիաթների, պատմվածքների, լրագրերի հետ: Բոլորը ցանկություն հայտնեցին գրանցվել գրադարանում և դառնալ գրադարանի մշտական ընթերցողներ:
 
Հ. Թումանյանի տուն-թանգարանում (22.03.2016)
2016թ. մարտի 18-ին մի խումբ երեխաներ այցելեցին Հ. Թումանյանի տուն-թանգարանը: Այցելությունը կրում էր և ուսուցողական, և ժամանցային բնույթ: Սկզբից էքսկուրսավարը երեխաներին ներկայացրեց Թումանյանի կենսագրությունը  (նրա ծննդավայրը, մանկությունը, պատանեկությունը): Երեխաները շատ հետաքրքրված էին և տարբեր հարցեր տվեցին նրան: Հետո խումբը ծանոթացավ Թումանյանի բանաստեղծությունների, հեքիաթների, պատմվածքների հետ: Երեխաներից մեկը արտասանեց Թումանյանի բանաստեղծությունը, որը դպրոցում էր սովորել:
 
Մասնակցություն պտղի սեռի խտրական ընտրության դեմ պայքարին նվիրված աշխատաժողովին (16.03.2016)
2016թ. մարտի 16-ին, Երևանի քաղաքապետարանի խորհրդակցությունների դահլիճում  տեղի ունեցավ Մարդկային զարգացման միջազգային կենտրոնի կողմից կազմակերպված աշխատաքնային հանդիպումը: Հանդիպմանը ներկա էին Երևանի քաղաքապետարանի, թաղապետարանների, միջազգային և հասարակական կազմակերպության ներկայացուցիչներ ինչպես նաև Կանանց իրավունքների կենտրոնի աշխատակիցը:
 
Դասընթաց հանդիպում ընտանեկան բռնության վերաբերյալ մանկավարժների հետ (13.03.2016)
2016թ. մարտի 10-ին տեղի ունեցավ ընտանեկան բռնության վերաբերյալ դասընթաց Երևանի մի շարք դպրոցների մանկավարժ-հոգեբանների և սոցիալական աշխատողների հետ: Դասընթացը սկսվեց ընտանեկան բռնության տեսակների, բնորոշ գծերի, նպաստող գործոնների և հետևանքների ներկայացմամբ: Ցուցադրվեցին Կանանց իրավունքների կենտրոնի նկարահանած կարճամետրաժ ֆիլմերը, որոնք ընտանեկան բռնության երևույթն ավելի ակներև դարձրեցին մասնակիցների համար: 
 
Ընտանեկան բռնության օրենսդրությանը նվիրված կլոր սեղան-քննարկում (13.03.2016)
Մարտի 11-ին «Բեսթ Վեսթեռն Կոնգրես» հյուրանոցի Բոլլ Ռում սրահում տեղի ունեցավ «Ընտանեկան բռնության կանխարգելման օրենսդրությունը, որպես մարդու իրավունքների պաշտպանության կարևոր նախապայման» թեմայով կլոր սեղան-քննարկում, որը կազմակերպել էր «Ընդդեմ կանանց նկատմամբ բռնության կոալիցիա» ՀԿ-ն
 
Կանանց իրավունքների պաշտպանության օրվան նվիրված երթ (09.03.2016)
Մարտի 8-ին Երևանում տեղի ունեցավ երթ` կազմակերպված Հայ ֆեմինիստ պլատֆորմի կողմից, որին մասնակցեցին ակտիվիստներ և տարբեր հասարակական կազմակերպություններ:
 
"Ճանապարհ" հաղորդաշարի հերթական թողարկում (08.03.2016)
2016թ. մարտի 4-ին Կանանց միջազգային օրվան նվիրված «Ար» հեռուստաընկերության «Ճանապարհ» հաղորդաշարը կանանց իրավունքների առկա վիճակի վերաբերյալ քննարկման համար հյուրընկալել էր սոցիալական հոգեբան Մամիկոն Տոսունյանին, Կանանց իրավունքների կենտրոնի փաստաբան Էլինա Դանիելյանին, Մայր Աթոռ սբ. Էջմիածնի սոցիալական ծառայության կենտրոնի տնօրեն տ. Մարկոս քահանա Մանգասարյանին և «Ընդդեմ կանանց նկատմամբ բռնության կոալիցիայի» համակարգող Զարուհի Հովհաննիսյանին:
 
Ասուլիս Կանանց միջազգային օրվան ընդառաջ (08.03.2016)
Մարտի 5-ին` Կանանց միջազգային օրվան ընդառաջ,  “Պոստ Սկրիպտումմամուլի ակումբում տեղի ունեցավ մամլո ասուլիս` նվիրված կանանց խնդիրների բարձրաձայմանը: Ասուլիսին մասնակցեցին Կանանց իրավունքների կենտրոնի հոգեբան Աիդա Առաքելյանը և Կանանց աջակցման կենտրոնի փաստաբան Նոնա Գալստյանը: Խոսվեց կանանց խնդիրների վերաբերյալ` ընտանեկան բռնության հիմնահարցի ներքո: 
 
"Արդյունավետ հաղորդակցություն և քարոզարշավների կազմակերպում" թեմայով դասընթաց (24.02.2016)
Փետրվարի 22-23-ին Օպերա Սյութհյուրանոցում տեղի ունեցավ երկօրյա դասընթաց “Արդյունավետ հաղորդակցություն և քարոզարշավների կազմակերպում” թեմայով: Այն կազմակերպվել էր «Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպության, Քաղաքացիական զարգացման և համագործակցության հիմնադրամի, Ժուռնալիստների «Ասպարեզ» ակումբի, «Հետաքննող լրագրողներ» հասարակական կազմակերպության, Բազելի կառավարման ինստիտուտի և Շահույթ չհետապնդող իրավունքի եվրոպական կենտրոնի հետ համատեղ ԱՄՆ ՄԶԳ-ի աջակցությամբ իրականացվող «Թափանցիկ և հաշվետու կառավարման խթանում` քաղաքացիական հասարակության մասնակցության միջոցով» ծրագրի շրջանակներում:
 
1  2  3  4  5  6  7  8  9  10  11  12  13  14  15  16  17  18  19  ... 40 
Նորություններ
Ընտանեկան բռնության հաղթահարմանն ուղղված ծառայություններ
Համապատասխան իրավական մեխանիզմների մշակում
Իրազեկության բարձրացում և կրթական միջոցառումներ
Իրազեկության բարձրացում վերարտադրողական և սեռական առողջության և իրավունքների վերաբերյալ
Արխիվ

Գլխավոր  |  Գործունեություն  |  Մեր մասին  |  Հրատարակված նյութեր  |  Պատկերասրահ  |  Կապ
Developed by Smart Systems LLC
en
am