Women`s Rights Center

 

          

Թեժ Գիծ

 

               (010) 54 28 28

           0800 80 850

 

Նվիրատվություն
 
Ընտանեկան բռնության հերթական դասընթացը Երևանի մի շարք դպրոցների մանկավարժների համար (17.06.2016)
2016թ. հունիսի 16-ին իրականացվեց ընտանեկան բռնության դասընթաց Երևանի 10 դպրոցի հոգեբանների և սոցիալական մանկավարժների համար: Դասընթացի ընթացքում մասնակիցները հնարավորություն ունեցան տարանջատել ընտանեկան բռնության տեսակները և դրանց փոխկապակցվածությունը: Դասընթացավարները ներկայացրեցին ընտանեկան բռնության պատճառներն ու բնորոշ գծերը, ակներև դարձրեցին նաև բռնության զոհերի իրավական և սոցիալական անպաշտպանությունը:
 
Ընտանեկան բռնության դասընթաց Լոռու մարզում (13.06.2016)
2016թ. հունիսի 10-ին Կանանց իրավունքների կենտրոնն իրականացրեց ընտանեկան բռնության դասընթաց Լոռու մարզի մի շարք դպրոցների ուսուցիչների, հոգեբանների և սոցիալական մանկավարժների համար: Դասընթացին հրավիրված էին նաև Լոռու մարզպետարանի Ընտանիքի, կանանց և երեխաների իրավունքների պաշտպանության բաժնի աշխատակիցները: Դասընթացի սկզբում տրվեց ընտանեկան բռնության սահմանումը` թե մասնակիցների և թե դասընթացավարների կողմից, որին հաջորդեցին ընտանեկան բռնության տեսակների, պատճառների, իրավական պաշտպանության մեխանիզմների և աջակցող կառույցների ներկայացումը:
 
Երեխաների միջազգային օր (03.06.2016)
Հունիսի 1-ին` երեխաների միջազգային օրվան նվիրված ժամանցային ծրագիր էր կազմակերպվել Կանանց իրավունքների կենտրոնի աշխատակիցների կողմից կազմակերպության հովանու ներքո գտնվող երեխաների համար: Այն սկսվեց Ազատության հրապարակից, որտեղ երեխանները մասնակցեցին ուրախ ծրագրերին և ժամանցային խաղերին: Հետո խումբը շարժվեց դեպի Հյուսիսային պողոտա, որտեղ երեխաները ունկնդրեցին մանկական երգեր և ստացան տաբեր նվերներ
 
Մամուլի ասուլիս "Ընտանեկան բռնության և կանանց սպանության դեպքերը Հայաստանում. նոր զեկույցի ներկայացում" թեմայով (31.05.2016)
2016թ. մայիսի 31-ին «Մեդիա Կենտրոն»-ում տեղի ունեցավ մամուլի ասուլիս Ընտանեկան բռնության և կանանց սպանության դեպքերը Հայաստանում. նոր զեկույցի ներկայացումթեմայով: «Ընդդեմ կանանց նկատմամբ բռնության կոալիցիայի» ներկայացուցիչները, այդ թվում նաև Կանանց իրավունքների կենտրոնի փաստաբան Է. Դանիելյանը մասնակցեցին ասուլիսին և ներկայացրեցին «Կնասպանությունը Հայաստանում. լուռ համաճարակ» զեկույցը` ՀՀ-ում  ընտանեկան բռնության հետևանքով կնասպանության դեպքերի վերաբերյալ:
 
Այցելություն Երևանի կենդանաբանական այգի (24.05.2016)
Մայիսի 19-ին Կանանց իրավունքների կենտրոնի աշխատակիցները կազմակերպեցին այցելություն Երևանի կենդանաբանական այգի Կենտրոնի հովանու ներքո գտնվող երեխաների և իրենց մայրիկների համար: Այցելությունը սկսվեց Կենդանաբանական այգու մուտքի մոտ կարճ խմբային զրույցից, որի ընթացքում պարզվեց, թե երեխաները ինչ կենդանիներ են սիրում, որ կենդանուն կուզենային պահել տանը կամ խնամել: Հետո խմբավարի և ծնողների ուղեկցությամբ, երեխաները մտան կենդանաբանական այգի
 
Մասնակցություն "Ընտանեկան բռնության հիմնահարցերով համայնքային շահագրգիռ կառույցների վերապատրաստում" դասընթացին (23.05.2016)
2016թ. մայիսի  19 և 20-ին Ծաղկաձորի Արմենիա Մարիոթ հյուրանոցում տեղի ունեցավ դասընթաց «Ընտանեկան բռնության հիմնահարցերով համայնքային շահագրգիռ կառույցների վերապատրաստում» թեմայով, որը կազմակերպել էր «Սոցիալական արդարություն» հասարակական կազմակերպությունը: Դասընթացին մասնակցեցին համայնքային ոստիկանության, խնամակալության և հոգաբարձության հանձնաժողովների, ոստիկանության անչափահասների բաժնի, սոցիալական աջակցության կենտրոնների և հասարակական կազմակերպությունների ներկայացուցիչները, այդ թվում նաև Կանանց իրավունքների կենտրոնի իրավաբան Ա. Ավետիսյանը: 
 
Ընտանեկան բռնության դասընթաց Համայնքային ոստիկանության բաժանմունքների տեսուչների համար (19.05.2016)
2016թ. մայիսի 19-ին տեղի ունեցավ ընտանեկան բռնության դասընթաց Ոստիկանության Կրթահամալիրում վերապատրաստվող Համայնքային ոստիկանության բաժանմունքների  տեսուչների հետ: Դասընթացի ընթացքում մասնակիցներն իրազեկվեցին կազմակերպության գործունեության, ինչպես նաև ընտանեկան բռնության տեսակների, պատճառների և հետևանքների հետ: Մասնակիցները փորձեցին սահմանել ընտանեկան բռնությունը և տարբերակեցին բռնության տարատեսակները:
 
Ընտանեկան բռնության վերաբերյալ դասընթաց Հայաստանի պետական մանկավարժական համալսարանում (15.05.2016)
2016թ. մայիսի 13-ին իրականացվեց ընտանեկան բռնության հերթական դասընթացը Հայաստանի պետական մանկավարժական համալասարանի պատմության և իրավագիտության ֆակուլտետի ուսանողների համար: Դասընթացի սկզբում մասնակիցները տվեցին ընտանեկան բռնության սահմանումներ` ըստ իրենց պատկերացման: Դասընթացավարներն առաջարկեցին բռնության տարբեր դեպքեր, և ուսանողները փորձեցին տարբերակել, թե նշվածներից որոնք էին ընտանեկան բռնույթյան դեպքեր: 
 
"Կնասպանությունը Հայաստանում. լուռ համաճարակ" զեկույցի շնորհանդես (11.05.2016)
Մայիսի 11-ին Երևանի «Բեստ Վեսթեռն Կոնգրես» հյուրանոցի Բոլլ Ռում սրահում ներկայացվեց Ընդդեմ կանանց նկատմամբ բռնության կոալիցիայի կողմից կազմակերպված «Կնասպանությունը Հայաստանում. լուռ համաճարակ» խորագրով զեկույցը
 
Դասընթաց ընտանեկան բռնության ոլորտում աշխատող հոգեբանների և սոցաշխատողների համար (10.05.2016)
2016թ. ապրիլի 29-ին և 30-ին Երևանում Կվինա թիլ Կվինա հիմնադրամը  կազմակերպեց ընտանեկան բռնության ոլորտում աշխատող հոգեբանների և սոցիալական աշխատողների համար նախատեսված դասընթաց: Դասընթացի սկիզբն իր բացման խոսքով ազդարարեց պարոն Մորտեն Էդենբերգը՝ Շվեդիայի արտաքին գործերի նախարարը: Երկօրյա դասախոսությունը վարում էին Ստոկհոլմից հրավիրված հոգեթերապևտ Յոսեֆին Գրանդեն, ով վերջին 20 տարիների ընթացքում մասնագիտացել է գենդերով պայմանավորված բռնությունների ոլորտում և Լիննեա Հալվարսոնը` Կվինա թիլ Կվինա հիմնադրամում գենդերով պայմանավորված բռնությունների մասով խորհրդատուն:
 
Աշխատաժողով նվիրված ընտանեկան բռնության դեպքերին համակարգաված աջակցության խթանմանը (02.05.2016)
Ապրիլի 28-ին, Անի Պլազա հյուրանոցի «Նաիրի» սրահում տեղի ունեցավ Կանանց իրավունքների կենտրոնի «Ընտանեկան բռնության դեպքերին համակարգված աջակցության խթանում»  խորագրով կազմակերպած աշխատաժողովը, որին մասնակցում էին մանկավարժներ, իրավաբաններ, հոգեբաններ, սոցիալական աշխատողներ, անչափահասների հարցերով օպերլիազորներ, ինչպես նաև պաշտոնեական ներկայացուցիչներ Աշխատանքի և սոցիալական հարցերի նախարարությունից, քաղաքապետարանի տարբեր վարչություններից և Ոստիկանության կրթահամալիրից: 
 
"Հայաստանը և Արևելյան գործընկերությունը" խորագրով միջոցառում (25.04.2016)
2016թ. ապրիլի 22-ին Երևանի պետական համալսարանի Եվրոպական ուսումնասիրությունների կենտրոնում տեղի ունեցավ «Հայաստանը և Արևելյան գործընկերության ապագան» խորագրով միջոցառումը: Ողջույնի խոսքով հանդես եկավ Տարածաշրջանային ծրագրի Հարավային Կովկաս Կոնրադ Ադենաուեր Հիմնադրամի ղեկավար Դր. Թոմաս Շրափելը: Այնուհետև Երևանի պետական համալսարանի պրոռեկտոր Ռուբեն Մարկոսյանը շնորհակալություն հայտնեց Դր. Թոմաս Շրափելին` Հայաստանյան այցի և միջոցառմանը մասնակցության համար:
 
1  2  3  4  5  6  7  8  9  10  11  12  13  14  15  16  17  18  ... 40 
Նորություններ
Ընտանեկան բռնության հաղթահարմանն ուղղված ծառայություններ
Համապատասխան իրավական մեխանիզմների մշակում
Իրազեկության բարձրացում և կրթական միջոցառումներ
Իրազեկության բարձրացում վերարտադրողական և սեռական առողջության և իրավունքների վերաբերյալ
Արխիվ

Գլխավոր  |  Գործունեություն  |  Մեր մասին  |  Հրատարակված նյութեր  |  Պատկերասրահ  |  Կապ
Developed by Smart Systems LLC
en
am