Women`s Rights Center

 

          

Թեժ Գիծ

 

               (010) 54 28 28

          

 

Նվիրատվություն
Ընտանեկան բռնության ենթարկված Մարիամ Գևորգյանի հերթական նիստը (04.06.2012)
Հունիսի 5-ին ժամը 12:00-ին Արարատի և Վայոց Ձորի Վեդի քաղաքի ընդհանուր իրավասության դատարանում տեղի ունեցավ ընտանեկան բռնության ենթարկված Մարիամ Գևորգյանի հերթական նիստը: Դատական նիստերը արդար ու բաց անցկացնելու պահանջով այսօր <<Ընդդեմ կանանց նկատմամբ բռնության կոալիցիան>> և Մարիամին սատարողների մի մեծ խումբ բողոքի ակցիա էին կազմակերպել դատարանի դիմաց: Նրանք իրենց ակտիվ մասնակցությունն էին ցուցաբերում` հոգեբանորեն աջակցելով Մարիամին: 
 
Այնուամենայնիվ, նիստը հերթական անգամ հետաձգվեց, քանի որ այսուհետ սույն քրեական գործով դատավարությունը շարունակվելու է Արարատի և Վայոց ձորի մարզերի ընդհանուր իրավասության դատարանի Արտաշատի նստավայրում, որը հնարավորություն կստեղծի ձայնագրել ողջ դատավարության ընթացքը: 
 
Նշենք նաև, որ այսօր դատական գործին հրավիրաված էին մի խումբ վկաներ, ինչպես պաշտպանական, այնպես էլ մեղադրող կողմի պահանջներով: 
 
Հիշեցնենք, որ Մարիամը ենթարկվել էր ֆիզիկական և հոգեբանական բռնության իր սկեսուրի և ամուսնու` Դավիթ Զիրոյանի կողմից: Ամուսնանալով 2009 թվականին` նրանք մեկնել են Սանկտ-Պետերբուրգ, որտեղ բնակվում էր Դավիթի ընտանիքը: Մարիամը բռնության է ենթարկվել իր ամուսնու և սկեսուրի կողմից շուրջ 10 ամիս: Հայաստան վերադառնալուց հետո Մարիամը զանգահարել է ոստիկանություն, ինչի հետևանքով նրա ամուսինը ձերբակալվել է <<դիտավորյալ միջին ծանրության վնաս պատճառելու>> և <<ծեծ>> հոդվածներով, որոնց համաձայն՝ նրան կարող էին դատապարտել մինչև 3 տարվա ազատազրկման: Սակայն 2011թ. դատարանի որոշմամբ՝ Զիրոյանն ազատ է արձակվել Հայաստանի Հանրապետության 20-ամյակի կապակցությամբ ՀՀ նախագահի հայտարարած համաներմամբ: Այնուամենայնիվ, Դավիթի մոր` Հայկանուշ Միքայելյանի  դեմ առաջադրվել է մեղադրանք ՀՀ քրեական օրենսգրքի 113 (միջին ծանրության վնասվածնքեր հասցնել) և 119 (խոշտանգում) հոդվածներով: 
 
Այսպիսով, Մարիամ Գևորգյանի հերթական նիստը տեղի կունենա սույն թվականի հունիսի 14-ին ժամը 12:00-ին Արտաշատ քաղաքում: 

<< հետ
Նորություններ
Ընտանեկան բռնության հաղթահարմանն ուղղված ծառայություններ
Համապատասխան իրավական մեխանիզմների մշակում
Իրազեկության բարձրացում և կրթական միջոցառումներ
Իրազեկության բարձրացում վերարտադրողական և սեռական առողջության և իրավունքների վերաբերյալ
Արխիվ

Գլխավոր  |  Գործունեություն  |  Մեր մասին  |  Հրատարակված նյութեր  |  Պատկերասրահ  |  Կապ
Developed by Smart Systems LLC
en
am