«Զրույցներ կանանց իրավունքների մասին» hեռուստահաղորդման հյուրն էր ՀՀ աշխատանքի և սոցիալական հարցերի հավասար հնարավորությունների ապահովման վարչության մարդկանց թրաֆիքինգի և կանանց հիմնահարցերի բաժնի պետ Սոֆի Բոստանչյանը։

«Զրույցներ կանանց իրավունքների մասին» hեռուստահաղորդման հյուրն էր ՀՀ աշխատանքի և սոցիալական հարցերի հավասար հնարավորությունների ապահովման վարչության մարդկանց թրաֆիքինգի և կանանց հիմնահարցերի բաժնի պետ Սոֆի Բոստանչյանը։

Sep 11, 2020 112

«Զրույցներ կանանց իրավունքների մասին»  hեռուստահաղորդումը նվիրված է Հայաստանում ընտանեկան բռնության հիմնախնդրի, «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքի, ինչպես նաև կանանց նկատմամբ բռնության հաղթահարմանն ուղղված միջոցառումների և ՀՀ Կառավարության կողմից վավերացված միջազգային փաստաթղթերի լուսաբանմանը:

Հաղորդման հյուրն էր ՀՀ աշխատանքի և սոցիալական հարցերի հավասար հնարավորությունների ապահովման վարչության մարդկանց թրաֆիքինգի և կանանց հիմնահարցերի բաժնի պետ Սոֆի Բոստանչյանը։  

Հաղորդման ընթացքում քննարկվեց ՀՀ Աշխատանքի և սոցիալական հարցերի նախարարության դերը և գործառույթները լուծելու և կանխարգելելու ընտանեկան բռնության ոլորտում առկա խնդիրները «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքով իրենց վերապահված լիազորությունների շրջանակներում։

Նախարարության կատարված աշխատանքը ներկայացվեց 3 փուլով՝ օրենքի ընդունումից հետո համապատասխան մեխանիզմների ներդրում, դրանց պրակտիկ իրականացում և հասարակության իրազեկվածության բարձրացում, այդ թվում նաև ոլորտի մասնագետների վերապատրաստում։

Ընտանեկան բռնության ենթարկված անձանց համար աջակցության կենտրոնների և ապաստարանների ստեղծումը ՀՀ բոլոր մարզերում նախարարության առջև դրված կարևորագույն քայլերից էր։ Ըստ Ս․ Բոստանչյանի, 2020թ․ առաջին կիսամյակի դրությամբ աջակցության բոլոր կենտրոնների կողմից աջակցություն է տրամադրվել շուրջ 463 քաղաքացու, իսկ 2 ապաստարաններում տեղավորվել է 55 անձ, որոնցից 32-ը երեխաներ էին, իսկ 22-ը՝ կանայք։

«Աջակցման կենտրոնը կատարում է աջակցող և օժանդակող աշխատանք, և ոչ թե բաժանող կամ քանդող գործառույթ», - նշում է Բոստանչյանը՝ խոսելով աջակցման կենտրոնների ցուցաբերած աշխատանքի և հասարակությունում առկա կարծրատիպերի մասին։

Այսպիսով, քննարկման արդյունքում, վեր հանվեցին ՀՀ Աշխատանքի և սոցիալական հարցերի նախարարության գործառույթները, կատարված աշխատանքները, հետագա մեխանիզմները ուղղված ընտանեկան բռնության ենթարկված անձանց պաշտպանությանը և այդ հիմնախնդրի կանխարգելմանը։

«Կին իրավապաշտպանները քայլեր են ձեռնարկում Հայաստանում գենդերային բռնության դեմ» (2020-2022 թթ․) ծրագիրն իրականացվում է Ընդդեմ կանանց նկատմամբ բռնության կոալիցիայի կողմից Եվրոպական միության ֆինանսավորմամբ։

Սույն հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Կանանց իրավունքների կենտրոն» ՀԿ-ն, և պարտադիր չէ, որ այն արտահայտի Եվրոպական միության տեսակետները:

Մենք գտնվում ենք
Կապ
  • 26/31 Աբովյան փողոց,
  • Երեւան, Հայաստան
  • +374 10 547770
  • +374 10 58 7770
  • info@wrcorg.am
Աշխատանքային ժամեր
  • Mon-Fri 10:00 - 18:30
  • Կիրակի - Շաբաթ. Փակ
Կապվեք
Բաժանորդագրվել