«Զրույցներ կանանց իրավունքների մասին» hեռուստահաղորդման հյուրն էր ՀՀ առողջապահության նախարարության մայրական և վերարտադրողական առողջության պահպանման բաժնի պետ Գայանե Ավագյանը։

«Զրույցներ կանանց իրավունքների մասին» hեռուստահաղորդման հյուրն էր ՀՀ առողջապահության նախարարության մայրական և վերարտադրողական առողջության պահպանման բաժնի պետ Գայանե Ավագյանը։

Sep 25, 2020 119

«Զրույցներ կանանց իրավունքների մասին»  hեռուստահաղորդում նվիրված է Հայաստանում ընտանեկան բռնության հիմնախնդրի, «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքի, ինչպես նաև կանանց նկատմամբ բռնության հաղթահարմանն ուղղված միջոցառումների և ՀՀ Կառավարության կողմից վավերացված միջազգային փաստաթղթերի լուսաբանմանը:

Հաղորդման հյուրն էր ՀՀ առողջապահության նախարարության մայրական և վերարտադրողական առողջության պահպանման բաժնի պետ Գայանե Ավագյանը։  

Հաղորդման ընթացքում քննարկվեց «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքի ընդունումից հետո ՀՀ առողջապահության նախարարության կողմից կատարված աշխատանքները, բարեփոխումները, համագործակցությունը պետական և ոչ պետական մարմինների հետ և այն մեխանիզմները, որոնք անհրաժեշտ են բռնության ենթարկված կանանց առողջապահական տեսանկյունից լիարժեք օգնության տրամադրման համար։

Օրենքի ընդունումից հետո ընտանիքում բռնության ենթարկված կանանց առաջնային բուժօգնության տրամադրման, գրանցման, հաղորդման կարգը և մի շարք այլ գործող մեխանիզմներ ստացան օրենսդրական լուծում։

Պետք է նշել, որ առողջապահական համակարգը այն հիմնական օղակներից է, որն անմիջականորեն կապված է բռնություն եզրույթի հետ։ Այստեղ մեծ դեր ունեն բուժաշխատողները, ովքեր պետք է կարողանան ճիշտ աշխատել բռնության ենթարկված անձանց հետ, քանի որ եթե ֆիզիկական բռնության դեպքում հնարավոր է լինում վեր հանել խնդիրը և անմիջապես օգնություն ցուցաբերել, ապա բռնության հոգեբանական, տնտեսական դրսևորումների դեպքում պետք է պարզապես հասկանալ կնոջ հոգեվիճակը և տրամադրել համապատասխան օգնություն։

 «Բռնությունը դեռևս արդարացվում է բռնության ենթարկված անձանց կողմից, դա պետք է փոխվի։ Նախադպրոցական տարիքից, ընտանիքում, ամբողջ ընթացքում, շարունակաբար պետք է ներշնչվի կանանց և տղամարդկանց, որ բոլոր պարագաներում բռնությունը անթույլատրելի երևույթ է և այն պետք է վերանա», -  մատնանշում է Գ․ Ավագյանը՝  կարևորելով երևույթի երկկողմանի բացահայտումը, սակայն որի բացակայության արդյունքում այդ հանձնարարականը կարծես փոխանցվել է բուժաշխատողներին։

Քննարկման արդյունքում վեր հանվեցին ՀՀ Առողջապահության նախարարության գործառույթները, կատարված աշխատանքները, հետագա քայլերը ուղղված ընտանեկան բռնության ենթարկված անձանց առաջնային օգնության տրամադրմանը և պաշտպանությանը։

«Կին իրավապաշտպանները քայլեր են ձեռնարկում Հայաստանում գենդերային բռնության դեմ» (2020-2022 թթ․) ծրագիրն իրականացվում է Ընդդեմ կանանց նկատմամբ բռնության կոալիցիայի կողմից Եվրոպական միության ֆինանսավորմամբ։

Սույն հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Կանանց իրավունքների կենտրոն» ՀԿ-ն, և պարտադիր չէ, որ այն արտահայտի Եվրոպական միության տեսակետները:

 

Մենք գտնվում ենք
Կապ
  • 26/31 Աբովյան փողոց,
  • Երեւան, Հայաստան
  • +374 10 547770
  • +374 10 58 7770
  • info@wrcorg.am
Աշխատանքային ժամեր
  • Mon-Fri 10:00 - 18:30
  • Կիրակի - Շաբաթ. Փակ
Կապվեք
Բաժանորդագրվել